08.07.2022.Уяв ячӗпе библиотекарь активлӑ вулавҫӑне саламларӗ

Июль уйӑхӗн 8 - мӗшӗ

Паян - Петрпа Феврони кунӗ.

"Ҫемье управҫисем" теҫҫӗ Муром хулинче пурăннӑ Петрпа Феврони ҫвяттуйсене. Хӑйсен ырӑ тӗслӗхӗпе вӗсем мӑшӑрсене пӗр-пӗрне упрама, хаклама, хисеплеме вӗрентеҫҫӗ.

Паянхи кун Раççейре Петрпа Февроние асӑнса Ҫемьепе юрату тата шанчăклăх кунне уявлаҫҫӗ.

 Пӗр – пӗринпе 46 ҫул хушши килӗштерсе пурӑнаҫҫӗ Ҫӗнӗ Тӗмерти Петр Григорьевичпа Раиса Николаевна Крыловсем. Ял хушшинче те хисеплӗ вӗсем . Раиса Николаевна 40 ҫул ытла  ялти медпункра фельдшер пулса ӗҫленӗ.Кирек хӑш вӑхӑтра та – ҫанталӑк мӗнлине пӑхмасӑр – чирлӗ  ҫынна пирвайхи пулӑшу пама васканӑ вӑл.  Петр Григоьевичӑн та ӗҫ стажӗ 40 ҫул ытла . Халӗ те ӗҫсӗр лармасть: ял ҫыннисене  пахча сухаласа парать ,курӑк ҫулать , кӗркунне ҫитсен улма кӑларса парать . Ял старости те вӑл. Крыловсем 3 ача ҫитӗнтерсе пурнӑҫ ҫулӗ ҫине кӑларнӑ, халӗ мӑнукӗсене пӑхма пулӑшаҫҫӗ. Ҫулла чча – пӑча сассипе тулать вӗсен килӗ.

Уяв ячӗпе библиотекарь активлӑ вулавҫӑне саламларӗ. Ырӑ сӑмахсем ҫумне уяв палли – салтак тӱми – хушӑнчӗ.