10.07.2021.Библиотекари музейпа паллашрес

Ялти ачасем тата ҫуллахи каникул вӑхӑтӗнче аслашшӗ- асламӑш патне килнӗ ачасем вӑхӑта интереслӗ ирттерме тӑрӑшаҫҫӗ. Июлӗн 10- мӗшӗнче вӗсем  библиотекӑра вырнаҫнӑ музейпа паллащрӗҫ. Унта курмалли – пӗлмелли нумай . Акă чи малтанах вӗсем шкул историйӗпе паллашрӗҫ.Малалла утнă май ĕлĕкхи пурнăçа кĕрсе ÿкрĕҫ. Кунта йывăçран ăсталанă ĕç хатĕрĕсем, пуракĕ те пур, тĕрлĕ калăпсем, такани , алăпа çавăрса авăрмалли тырă арманĕ ,пир тĕртмелли станок,сурпан, сӑмавар, тӑмран ăсталанă савăт-сапасем тата ыттисем те.… 

Тăван çĕршывшăн вăрçă хирĕнче çапăçнă салтаксене асӑнса уҫнӑ кӗтесре вӑрҫӑра вилнӗ салтаксен списокӗнче хӑйсен тӑванӗсен хушамачӗсене шырарӗҫ. Вӑрҫӑран янӑ виҫ кӗтеслӗ ҫырусемпе паллашрӗҫ.Ялти художник Васильев Михаил салтака ӑсатнине сӑнласа кӑтартнӑ панорама умӗнче те ачасем чылайччен тӑчӗҫ.

Чи кӑсӑкли вара вӗсемшӗн ял ҫывӑхӗнчи вырӑнсенче тупнӑ мамонт кӗлеткин шӑммисем пулчӗ.

Музей кӗтесӗ ачасене питӗ килӗшрӗ. Килӗшмесӗр - хӑшӗ-пӗрисем ӗлӗкхи япаласене пӗрремӗш хут курнине пытармарӗҫ.