2011.03.25 Ырӑ туни манӑҫмасть (Хресчен сасси)

Шупашкарти аслӑ шкулсенче, колледжсемпе професси училищисенче вӗренекен студентсен пуҫарӑвӗпе «Ачана телей парнеле» акци йӗркеленӗ. Ҫавна май ыр кӑмӑллӑх марафонне хутшӑнса 64 пин тенкӗ укҫа пухнӑ вӗсем. Унпа «Малютка» ача ҫурчӗ валли памперссемӐе ытти гигиена хатӗрӗ туяннӑ.

Республикӑри районсемпе хуласем те ыр кӑмӑллӑх марафонӗн пухмачне пуянлатаҫҫӗ. Ку енӗпе ытларах Шупашкарпа Ҫӗнӗ Шупашкар хулисем, Улатӑр районӗ тӑрӑшуллӑ. Улатӑрсем марафон счечӗ ҫине 245 пин тенкӗ ытла укҫа-тенкӗ куҫарнӑ, Елчӗксемпе Етӗрнесем - 162-шер пин тенкӗ. Патӑрьел районӗнче вара уйрӑм ҫынсем ҫеҫ 109 пин тенкӗ укҫа пухнӑ. Паллах, кунпа ҫеҫ лӑпланса лармӗҫ вӗсем. Марафон малаллах тӑсӑлать-ҫке. Ниме ӗҫӗнче Канаш, Ҫӗмӗрле, Йӗпреҫ районӗсем те малтисен шутӗнче. Улатӑр районӗнчи вӗренӳ учреждений-ӗсен коллективӗсем хастар пулни палӑрать - вӗсем 46370 тенкӗ куҫарнӑ.

«Ырӑ туни манӑҫмасть», - теҫҫӗ халӑхра. Эсир, хаклӑ вулаканӑмӑрсем, акцие хутшӑнма ӗлкӗреймерӗр пулсан пулӑшу ыйтакан ача-пӑчана алӑ тӑсса пама васкӑр. Марафон кӑҫалхи июнӗн 1-мӗшӗччен пырать. Сусӑрсем, тӑлӑхсем, ашшӗ-амӑшӗн ӑшшисӗр юлнӑ ачасем аслисен хӳттине кӗтнине манас марччӗ.

В.Петрова