2011.03.12 Уҫлӑх паттаресем ҫинчен - фильм (Чӑваш хӗрарӑмӗ)

Космонавтика ҫулталӑкӗ иртнӗ май республикӑра тӗрлӗ мероприяти йӗркелеҫҫӗ, планра та - сахал мар. Сӑмахран, Шуршӑлти комплекс ӗҫченӗсем «Вӑл пире космоса чӗнчӗ» фильм хатӗрленӗ. Шупашкарти 10-мӗш тата 37-мӗш вӑтам шкулсем «Ҫӑлтӑрсене хирӗҫ» проектпа паллашма йыхравлаҫҫӗ.

Канашра вара Раҫҫей Федерацийӗн Патшалӑх Думин депутачӗ Н.Бударин вырӑнти влаҫри ҫынсемпе тӗл пулса унти социаллӑ пурнӑҫпа тата экономика аталанӑвӗпе кӑсӑкланнӑ. Тӗнче уҫлӑхӗнче виҫӗ хут пулнӑ Николай Михайлович кадетсене тата космонавтсен отрячӗсен хастарӗсене уҫлӑх паттӑрӗсен пурнӑҫӗпе паллаштаракан фильм кӑтартнӑ. Депутат интернат шкул, хула ҫамрӑкӗсен кун-ҫулӗпе те интересленнӗ.

Надежда Васильева