2011.03.11 Комплексра - ҫенӗ проект (Хыпар)

Шуршӑлти СССР космонавт летчикӗ А.Г.Николаев ячӗллӗ Мемориал комплексӗнче ака уйӑхӗн 12-мӗшӗ тӗлне хатӗрленсе тӗнче уҫлӑхне парӑнтаракансен паттӑрлӑхне халалланӑ мероприятисен презентацийӗпе паллаштарнӑ. Ҫӗнӗ проектра - «Вӑл пире космоса йыхравларӗ» ярӑм та. Унсӑр пуҫне Юрий Гагаринӑн асӑну каҫӗсем пулӗҫ.

«Ҫӑлтӑрлӑ тӳпе ҫынна яланах хӑйӗн патне туртнӑ. Ӗмӗтне вӑл ҫирӗммӗш ӗмӗрте кӑна пурнӑҫа кӗртме пултарчӗ: нихӑҫан никам тӗпчемен уҫлӑха тухса сывлӑшсӑр уҫлӑхран ҫӳлтен ҫӗр ҫине пӑхрӗ. Ҫапла тума Юрий Гагарин тивӗҫрӗ, пӗр самантра тӗнче пӗлекен ҫын пулса тӑчӗ», - ҫак сӑмахсемпе кӗтсе илеҫҫӗ мемориал комплексӗнче вӑй хуракансем тӗрлӗ делегацие, экскурсие килекен ушкӑнсене. Космонавтика кунӗ тӗлне пуян содержаниллӗ, тӑхӑр пайран тӑракан «Вӑл пире космоса йыхравлать» фильм хатӗрленӗ. Комплекс ҫавӑн пекех ҫӗнӗ фотоматериалсемпе тата кинофрагментсемпе пуянланнӑ. Вӗсенче кӑсӑкли пайтах.

А. Степнов