2011.03.11 Ентешӗмӗре халалласа (Ҫамрӑксен хаҫачӗ)

А.Г.Николаев космонавт летчик ячӗллӗ мемориаллӑ комплекс ҫӗнӗ проект пуҫарнӑ. Шуршӑлти комплекс ӗҫченӗсем «Вӑл пире космоса чӗнчӗ» фильм хатӗрленӗ. Дна пуш уйӑхӗн 9-12-мӗшӗсенче кӑтартаҫҫӗ.

«Ҫӑлтӑрлӑ тӳпе ҫынна мӗн авалтан илӗртнӗ. Аслӑлӑх XX ӗмӗрте ҫеҫ тӗнче уҫлӑхне тишкерме тытӑннӑ. Тинех этем Ҫӗр чӑмӑрне аякран курнӑ.

Юрий Гагарин космоса хӑпарнӑ. Летчик пӗр самантра Совет Союзӗн мухтавӗ пулса тӑнӑ. Ҫак сӑнара унӑн пурнӑҫ тӑршшӗпе выляма тивнӗ...» - ҫапла пуҫланать фильм презентацийӗ. Диктор сассине сӑн ӳкерчӗксемпе кинофильм сыпӑкӗсем улӑштараҫҫӗ. 9 пайран тӑраканскер космонавт ачалӑхӗпе ҫамрӑклӑхӗ, вӗренӗвӗпе вӗҫевӗ ҫинчен каласа кӑтартать.