2011.02.09 «Ачалӑхшӑн, ачалӑх ячӗпе» (Хресчен сасси)

Ыр кӑмӑллӑх марафонне республика ҫыннисем те хутшӑнма тытӑнни савӑнтарать. Акӑ Етӗрне районӗнче пурӑнакансем пархатарлӑ ӗҫе хастаррӑн явӑҫнӑ. Марафон пухмачне хӑшӗ 300 тенкӗ, тепри 500 тенкӗ хывать.

«Ядринмолоко» акционерсен уҫӑ пӗрлешӗвӗ те айккинче юлман, фощ счечӗ ҫине 101 пин тенкӗ куҫарнӑ. Асӑннӑ районти шкулсен, ача сачӗсен ушкӑнӗсем те ырӑ ӗҫре палӑрма шут тытнӑ.

Ача-пӑчана укҫа-тенкӗсӗр пуҫне тӗрлӗ кучченеҫпе, парнепе чыслакан та пур. Районти ачасен пултврулӑх ҫуртӗнче сусӑр тата нумай ачаллӑ ҫемьери ача-пӑчана аслисем саламланӑ, ырӑ сӑмахпа чунӗсене ӑшӑтнӑ, парнесемпе хавхалантарнӑ.

Ыр кӑмӑллӑх марафонӗ республикӑра официаллӑ майпа уҫӑлнине ытти районта та пӗлтернӗ.                     

В. Максимова