2011.02.05 Ҫӗнӗ палӑк (Чӑваш Хӗрарӑмӗ)

Кӑҫал Раҫҫей космонавтикин ҫулталӑкне ирттернӗ май Чӑваш Енӗн тӗп хулинче Андриян Николаева халалласа тепӗр палӑк уҫма палӑртаҫҫӗ.

Ку шухӑша ЧР Президенчӗ Михаил Игнатьевпа Чӑваш Республикинчи вӑрҫӑ ветеранӗсен общество организацийӗн председателӗ Алексей Скворцов Правительство Ҫуртӗнчи тӗл пулура хускатнӑ. Алексей Васильевич часах Ҫмоленск хулинче пирӗн ентеш палӑкне вырнаҫтарассине те пӗлтернӗ. Шупашкарта пулмалли палӑкӑн композицийӗпе те паллаштарнӑ. Ҫак палӑка Калининпа Николаев урамӗсем хӗресленнӗ вырӑнта вырнаҫтарма сӗннӗ. Авторсем шухӑшланӑ тӑрӑх, ӗҫсене икӗ ҫул пурнӑҫламалла. Михаил Васильевич вара вӑраха тӑсмасӑр ӑна кӑҫалах вӗҫлеме тӑрӑшмаллине палӑртнӑ.

- Пӗтӗм ҫӗр-шыв Юрий Гагарин космоса хӑпарни 50 ҫул ҫитнине уявланӑ чухне пирӗн те хамӑрӑн паттӑра чысла-малла, - тенӗ Михаил Игнатьев. Проекта тӗплӗ тишкерсе, ун вырӑнне хакласа шухӑшланине пурнӑҫа кӗртмеллине ҫирӗплетнӗ.

Скульптура композицийӗ пӗтӗмӗшле 8 млн тенке кайса лармалла. Папӑка "халӑх . укҫипе" - ирӗклӗ пулӑшупа - хӑпартмалла. Республика ертуҫи проекта пурнӑҫа кӗртме укҫа-тенкӗ республика бюджетӗнчен те уйӑрмашкӑн шантарнӑ.

Татьяна Наумова