2012.06.23-29 Уяв савăк кăмăл парнелетĕр (Чăваш хĕрарăмĕ)

Республика кунĕ пирĕншĕн - сумлă та чыслă уяв. Ăна патшалăх шайĕнче ирттерме 1995 çулта йышăннă: шăпах Чăваш автономи облаçĕ йĕркеленнĕренпе 75 çул çитнине паллă тунă.

Унтанпа Чăваш Ен сахал мар çитĕнÿ тунă. Çĕр çинчен космоса çитнĕ вăл. Паян республика пур енлĕн аталанать. Экономикăра, вĕренÿре, сывлăх сыхлавĕнче, спортра, культурăра ырă улшăнусем пулса иртнине те палăртма кăмăллă.

Çак уяв чăвашшăн çеç мар, республикăра пурăнакан ытти халăхшăн та пĕлтерĕшлĕ пулни чун-чĕрене хавхалану, савăнăç кÿрет. Уява пирĕнпе пĕрле паллă тума Чăваш Ене çулсерен Раççей тĕрлĕ регионĕнчен, НПППна кĕрекен çĕр-шывсенчен, чикĕ леш енчен хăнасем килеççĕ.

Республика кунне тĕп хулара та, районсенче те анлăн паллă тăватпăр. Кăçал та ăна асра юлмалла ирттересчĕ. Кашнинех савăк кăмăл парнелетĕр вăл.

Татьяна НАУМОВА.