2011.08.12 Палака жатĕрлесе çитернĕ (Çамрăксен хаçачĕ)

Шупашкарта Андриян Николаевăн палăкĕ пуласси пирки хаçатра çырнăччĕ. Нумаях пулмасть Владислав Немцев скульпторпа ЧР Вĕрçă, eç, хĕç-пăшаллă Вăйсен тата право хуралĕн органĕсен ветеранĕсен общество организацийĕн ертÿçи Алексей Скворцов ĕçĕ-хĕлĕпе паллаштарнă. Скуль­птор мастерскойĕнче палăк мăнаçлăн курăнать. Унăн çÿллĕшĕ - 4,5 метр.

Палăка хатĕрлеме халăхла общество организацийĕсем пулăшнă. Вĕсем икĕ миллион ытла тенкĕ пухнă. Ĕçе вĕçлеме тата 4 миллион кирлĕ. Укçа-тенкĕ çитменрен палăртнине кивçенле пурнăçланă.

Палăка авăн уйăхĕн 5-мĕшĕнче, Андриян Николаев çуралнă кунĕнче, уçĕç. Уявра сумлă хăнасем, тĕнче уçлăхĕн паттăрĕсем пулĕç.

Любовь Зубова, Ольга Дюкина.