2011.08.16 Яппун та тĕлĕннĕ (Хыпар)

Кунтан нихăçан та халăх татăлмасть: тĕрлĕ регионтан кăна мар, ют патшалăхсенчен те тĕрлĕ делегаци тăтăш килет. Тăван халăхăмăрăн мухтавлă ывăлĕ Андриян Николаев тĕнче уçлăхне пĕрремĕш хут тухнă кун халăх уйрăмах йышлă пулчĕ. «А.Головачев» пăрахут çинчи туристсен ушкăнĕ, акă, тĕнче паттăрĕн тăван ялĕнчи мемориал комплексне шăпах çак кун çитме тĕв тунă.

Раççей космонавтикин çулне халалласа тата манăçми ентешĕмĕр тĕнче уçлăхне пĕрремĕш хут тухнă ятпа çурла уйăхĕн 11-мĕшĕнче мемориал комплексĕнче савăнăçлă митинг иртнĕ. Унта хутшăннисем Андриян Григорьевичăн вил тăпри çине чĕрĕ чечексем хунă, вĕсене пĕрремĕш космонавтсем çинчен ÿкернĕ видеоролик кăтартнă. Японирен килнĕ хăна Есида Тосихиро ахаль чăваш çемйинчен тухнă çыннăн çавăн пек паттăрлăхĕнчен тĕлĕннине пытарман.