Ҫĕртме уйӑхĕн 16-мĕшĕнче Чăваш Ен премьер-министрĕ Олег Макаров Шупашкарти ачасен пуплев кăлтăкĕсене тӳрлетме пулӑшакан 2-мĕш садикри шӑпӑрлакансен пурнӑҫĕпе, апатланӑвĕпе, сипленĕвĕпе тĕплĕн паллашрĕ. Кунта «Ачалӑх ячӗпе, ачалӑхшӑн» ыр кăмăллăхăн кӑҫалхи марафонĕ вĕҫленнĕ ятпа церемони иртрӗ. Савăнӑҫлӑ мероприятие Раҫҫей Федерацийӗн Федераци Пухӑвӗн Патшалăх Думин Ҫĕр-шывсен хушшинчи ĕҫсен комитечĕн предсадателĕ Коистантин Косачев, йĕркелӳ комитечĕн председателĕ, хулари 2-мĕш ҫӑкăр завочĕн ертӳҫи ЮриЙ Кислов, ЧР Вбренӳ министерствин, Шулашкар хула администрацийĕн яваплă ҫыннисем хутшăнчĕҫ.
«Ыр кӑмӑллӑх марафонё йĕркелесси Чӑваш Енре пархатарлă йӑлана куҫнине палӑртма уйрӑмах кӑмӑллӑ, - терӗ Олег Макаров. - Кӑҫал ӑна вун пиллӗкмĕш ут пӗтӗмлететпĕр. Уйрӑм ҫынсем, бизнес представителӗсем, ĕҫ коллективӗсем тӑлӑхсене, сусӑрсене, сывӑ маррисене тата уйрӑмах пултаруллӑ ҫамрӑксене пулӑшма ӑнтӑлни сӑваплӑ. Вӗсем пухмача хывнӑ укҫа ҫивӗч ыйтусене татаса пама кайӗ».
Раҫҫей ача-пӑча фончĕн республйкӑри уйрӑмĕн председателĕ Юрий Кислов пĕлтернĕ тӑрӑх - ыр кӑмӑллӑхӑн ҫакӑн йышши акцине ытти регионта та ирттереҫҫӗ: вӗсенче общество организацине пĕр-пӗр предприниматель е кĕпĕрнатӑр мӑшӑрĕ ертсе пырать. Пуян спонсор пухмача темиҫе миллион тенкӗ куçарать те ҫав суммӑна ачалӑхпа ҫыхăннă ыйтусене татса памашкӑн валеҫеҫҫĕ. Чӑваш хутлӑхĕнче вара ку юхӑма ҫĕр-çĕр ҫын хӑйĕн тӳпине хывать, ӑш пиллĕ пулса фонда пуянлатать тата чун ӑшшине парнелет.
Кӑҫал акцие хутшӑнакансен йышĕ 1400-тен иртнĕ. Вĕсем - уйрӑм граждансем, юридици вӑйӗнче тӑракансем, предпринимательсем, предприяти-организаци. Пухмач та ҫултан ҫул пуннланса пырать: пĕлтĕр унӑн нухрачĕ 7200 пин тенкӗпе танлашнӑ, кӑҫал 7520 пине ҫитнӗ. Тен, ытларах та пулĕ, хӑшӗ-пĕри ырӑ ĕҫ пирки пĕлтерме васкамасть. Юрий Михайлович ӗнентернĕ тарӑх -кунашкал тӗслĕх сахал мар. Сӑмахран, ЧР Строительство министерствин хастарӗсем Ҫĕмĕрле районĕнчи Саланчӑк интернат шкулĕнчи шӑпӑрлансене парнекучченеҫпе савӑнтарнӑ. Анчах кун пирки никама та шарламан...
Уйрӑм муниципалитетсенче нухрата йывӑрлӑха лекнӗ ҫынсене - пускиле, ентеше - ятран пулӑшас тĕллевпе пуҫтарнӑ. Тӗслӗхрен, Ҫĕмĕрле районӗнче 12 ҫулти Миша Кашкарова сыватма йышпа укҫа хывнӑ. Элĕк район аднинистрацийĕ ҫунса кайнӑ кил-ҫурт хуҫисене пулӑшма чĕнсе каланине чунпа йышӑнса ку тӑрӑхра пурӑнакансем кӗске хушӑрах 30 пин тенкӗ, уйӑрнӑ.
«Йĕркелӳ комитечĕн ҫум председателĕ пулни маншӑн - пысӑк чыс. Марафон укҫи ӳссе пыни савӑнтарать, - пĕлтерчӗ Константин Косачев. - Ырӑ ҫак пуҫарӑвӑн паха икӗ енĕ пур. Пĕрремӗшĕ - нушаллӑ ачасене тĕллевлӗн хӳтĕлеме чĕрĕ укҫа пухӑнать. Иккӗмĕшĕ - пирӗн Раҫҫейре йӑлара пулнӑ меценатлăх чĕрĕлсе вӑй илет. Общество организацийĕн счетĕнче манӑн, депутатӑн, уйӑхри шалу пуррипе мӑнаҫланатӑп. Сире тĕп тивӗҫӗрсенчен уйрӑлмасӑр сӑваплӑ ĕҫе хастар хутшӑнӑшӑн тав тӑватӑп».
«Кашни район-хула марафона куҫаракан суммӑна муниципалитетсене хӑйсене каялла пани те ӑнӑҫу кӳрет, - тет Юрий Кислов. - Шупашкарсем, тĕслӗхрен, 2296 пин тенкĕ уйӑрна».
Ахальтен мар-тӑр хула пуҫлӑхĕ 1 миллион тенкĕлĕх сертификата тивӗҫрĕ. Леонид Черкесов ҫирӗплетнӗ тӑрӑх -ку укҫа шкул ҫулне ҫитеннисен учрежденийӗсен никĕсне тĕреклетме каймалла. Ясли-садик ыйăвне татса парасси пӗлтерӗшлĕ шутланнӑ май Шупашкарсем ку енӗпе пуҫаруллă ӗҫлеҫҫĕ: кӑҫал кунтӑ ҫĕнĕрен виҫĕ садик ҫĕкленмелле, пĕрин строительствине пуҫланӑ, тепринче ҫӗр ĕҫĕсем пурнӑҫлаҫҫӗ, виҫҫӗмӗшĕ валли смета докуменчĕсем хатĕрлеҫҫĕ.
Тата теприне - унччен ача-пӑча учрежденийӗ пулнине - тавӑрса панӑ. Кӑҫал тепĕр пиллĕкӗшне каялла илме калаҫса татӑлнӑ. Вĕсене юсаса йӗркене кӗртме сертификат укҫи каятех. Леонид Черкесов шухӑшӗпе, ҫапах та, ыйту ҫивӗчлĕхне ҫакӑнпа татса пама май килмӗ. Шупашкарта 1,5-3 ҫулсенчи ачапа килте ларакан 2,5 пин хӗрарӑм паян уйӑхсерен 4330 тенкĕ дотаци илет. Ҫак мелпе анлӑрах усӑ курмашкӑн бюджетра укҫа палăртса хӑвармалла.
Ыр кӑмӑллӑх марафонне уйрӑмах пысӑк тӳпе хывнӑ спонсорсене - «Ҫӗмĕрлери ятарлӑ автомобильсен завочӗ», «Чавашсетьгаз» АУОсен генеральнӑй директорăсене Любовь Макеевӑна, Кияметдин Мифтахутдинова, «Ядринмолоко» АУО коммерци директорне Роман Малова «Ачалӑх меценачĕ» медальпе чысларĕҫ. «Ку - ведомство награди, ҫӑмӑллӑх памастъ пулин те эсир ачалӑх ыйтӑвĕсене чунпа йышӑнса вӗсене пулӑшма ӑнтӑлнине ҫирӗплетет», - терĕ хастарсене чысланӑ май фонд уйрӑмӗн председателĕ.
Марафон йĕркелӳҫисене тата унӑн пухмачне пуянлатма хастар хутшӑннӑ ырӑ чунлӑ ҫынсене ача сачĕн воспитанникĕсем хӑйсен юрри-ташшипе савӑнтарчĕҫ. Хӑнасен кӑмӑлне пӗчӗкскерсен концерчӗ ырӑ витĕм кӳчё.
Валентина Смирнова.