Кунта сире ӳстернӗ
аслӑ халӑх
Тӑнлать вӑл космосри
ачисене...
Г.Айхин «Космонавт амӑшӗ» сӑввинчен.
Космонавтика ҫулӗ пирки кӑсӑкланнине пӗлсен Шӑмӑршӑ район администрацийӗн вӗренӳ, ҫамрӑксен политики тата культура пайӗн методистки Валентина Павловна Кузьмина пичӗ йӑл кулӑпа ҫуталчӗ.
- Космос маншӑн питӗ ҫывӑх. Эпӗ ҫуралсан ят шыраса темӗнччен хӑшкӑлман -асатте, ӗмӗрӗпе кӗҫӗн клас-сене вӗрентсе ӑс панӑ педагогика ветеранӗ, тӳрех ҫӗр чӑмӑрӗ ҫинчи пӗрремӗш хӗрарӑм космонавт Валенти-на Терешкова ятне пама сӗннӗ, - пӗлтерчӗ вӑл умӗнчи хутсен ятарлӑ тӗркине алла илнӗ май. - Ҫавӑнпа чӑвашсен пӗр паллӑ поэчӗн сӑввинчм йӗркесене асра тытса паян та тӑвансем \ вӗҫсӗрех «Валя-Валентина» тесе такмаклаҫҫӗ. Ман асӑма вара тепӗр хӑрарӑм космо-навт Светлана Савицкая кӗрсе юлнӑ. Эпир виҫҫӗмӗш-тӑваттӑмӗш классене ҫуренӗ чухне вӑл тӗнче уҫлӑхне хӑпарнӑччӗ. Уҫӑ космоса тухни те асрах. Космонавтсене пурне те пӗлсе тӑнӑ. Ахальтен мартӑр ҫав вӑхӑтра хӗр ачасене Валя тата Света, арҫын ачасене вара Юра, Андрей, Андриян, Валерий ятсем йышлӑ хуратчӗҫ.
Валентина Павловна пӗлтернӗ тӑрӑх - Ҫӗнӗ ҫула кӗнӗренпех районти пӗ-тӗмӗшле пӗлу паракан шкулсенче Юрий Алексеевич Гагарин тӗнче уҫлӑхне вӗҫнӗрен-пе ҫур ӗмӗр ҫитнипе ҫыхӑнтарнӑ мероприятисене тӑтӑш ирттереҫҫӗ. Ятарлӑ планпа килӗшуллӗн «Чӑваш халӑхӗн мухтавлӑ ывӑлӗ», «Эпӗ тӗнче куратӑп», «Космос паттӑрӗ» темӑсемпе класс тата инфор-маци сехечӗсем, спорт ӑмӑр-тӑвӗсем йӗркелеҫҫӗ. Ачасем вара стена хаҫачӗсем, ятарлӑ «кӗтессем» кӑлараҫҫӗ, бук-летсем хатӗрлеҫҫӗ. Пултарул-лӑраххисем республика тата Раҫҫей шайӗнчи конкурссене, фестивальсене, смотрсене хут-шӑнаҫҫӗ. Пысӑк ҫитӗнусем тӑвакан та сахал мар. Акӑ Шӑмӑршӑ вӑтам шкулӗнчи ҫамрӑк космонавтсен «Альта-ир» клубне ҫурекен Мария Кузнецова тӑван тавралӑха сых-лас ыйтусемпе ачасемпе ҫул ҫитмен ҫамрӑксен хушшинче ирттерекен Пӗтӗм Раҫҫей олимпиадин республикӑри тап-хӑрӗнче виҫҫӗмӗш вырӑна тухнӑ. Ҫак шкулӑн ытти вӗре-некенӗ те хастар. Алена Львова «Ҫӑлтӑрсемпе тӗл пулма» акцие хутшӑнса республикӑри ҫамрӑк космонавтсен юхӑмӗн чи лайӑх гимнне ҫырас енӗпе «бронза» ҫӗнсе илнӗ, «Альтаир» вара зачет сессине кайма хатӗрленет. Саманта Смит ячӗллӗ интернаци клубӗн чле-нӗсем ҫывӑх вӑхӑтра Ростов облаҫӗнче иртекен халӑхсен хушшинчи «Тӗнче пултарулӑхӗ» арт-фесивале, тӗнчери Ҫӗр кунне тата Раҫҫей космонавтикин ҫулталӑкне халалланӑс-керне, хатӗрленеҫҫӗ.
Пуш уйӑхӗн 12-мӗшӗнчен пуҫласа акан 12-мӗшӗ хушшинчи тапхӑра районта космонавтика уйӑхлӑхӗ тесе пӗлтернӗ. Палтиелӗнчи вӑтам шкул ачисем унран айккинче юлмаҫҫӗ. Пуҫламӑш классене ҫӳрекенсем «Эпӗ космоса ҫапла куратӑп» темӑпа алӑ айне лекнӗ ансат материал-тан /пластилин, кӗрпе, пено-пласт, пластика савӑт тата ытти те/ тӗрлӗ япала ӑста-лаҫҫӗ. Аслӑраххисем вара компьютерпа усӑ курса пре-зентацисем хатӗрлеҫҫӗ. 10-11 -мӗш классенчи хӗр-упраҫ-па яш-кӗрӗм космонавтика историйӗ тӑрӑх альбомсем тума пикеннӗ.
Уйӑхлӑх вӑхӑтӗнче районти шкулсенче вунӑ кун хушши космоса ҫӗнсе илнине, тӗнче уҫлӑхне ҫул хывакансене, ҫав шутра хамӑр ентеше Андриян Григорьевич Николаева сӑн-лакан документлӑ пилӗк фильм кӑтартассине йӗрке-ленӗ.
Николай ЛАРИОНОВ