2011.04.12 Паттӑрсем асрах (Хыпар)

Елчӗк районӗнчи тӗп библиотекӑра ҫак ятпа ҫӗнӗ курав уҫӑлнӑ. Ӑна Космонавтика ҫулталӑкне халалланӑ. Кунта вӑй хуракансем малтанах космос теми вулакансене ҫав тери кӑсӑклантарма пултарасси ҫинчен шухӑшлама та пултарайман: курав уҫӑлсанах унта ватти-вӗтти те хастар хутшӑннӑ. Чылайӑшӗ пушӑ алӑпа килмен. Кашнин пурнӑ-ҫӗнче космоспа е пӗр-пӗр космонавтпа ҫыхӑннӑ самант е пулӑм пур. Акӑ И.Трофимов 1963 ҫулта Андриян Николаев космонавт Елчӗк тӑрӑхне килнӗ чухне тунӑ сӑн ӳкерчӗксе-не парнеленӗ. И.Иноходов вара «Авангард» хаҫатӑн ҫав ҫулхи тӗркемне илсе килнӗ. Кушкӑ ялӗнче пурӑнакан Н.Мустуков Г.Титов космонавт ҫӗр ҫине аннӑ вӑхӑтра шӑпах ҫав вырӑнта пулнӑ. Вӗсен каласа памалли пайтах.

«Уҫлӑх ҫӗр ҫинче уҫӑлать: А.Г.Николаев Елчӗк ҫӗрӗ ҫинче» курав тӗрлӗ экспонатпа пуян. Кунти сӑн ӳкерчӗк-сем, мультимедиа дискӗсем, кӗнекесем, хаҫатсем уҫлӑх паттӑрӗсем ҫинчен туллин каласа кӑтартаҫҫӗ!

А.СТЕПНОВ.