2011.04.14 Çамрăк космонавтсем Çĕмĕрлере (Хыпар)

Çĕмĕрлери 8-мĕш гимназире республикăри çамрăк космонавтсен пысăк пухăвĕ иртнĕ. Форума Космонавтика кунне халалланă. Гимназистсем хăнасене Юрий Гагарин космоса вĕçнĕренпе 50 çул çитнĕ ятпа хатĕрленĕ композици кăтартнă. Çамрăк космонавтсем çĕннине чылай пĕлнĕ, пĕрремĕш космонавтăн биографийĕпе тата кăмăл-сипечĕпе ăс-хакăлне аталанма витĕм кÿнĕ çăл куçсемпе паллашнă. Юрий Гагаринăн паттăрлăхĕ вĕсене спортпа туслашма, тăрăшса вĕренме, космонавтика вăрттăнлăхĕсене тишкерме хавхалантарнă. Шупашкарти А. Николаев ячĕллĕ 10-мĕш шкулти çамрăк космонавтсем хăйсен опычĕпе паллаштарнă. Андриян Николаев вĕсен шкулĕнче пĕрре кăна мар пулнă. Ачасем те Байконура çитсе курнă, А. Николаевăн хĕрĕпе туслашнă.