28.12.2019. Çĕнĕ çула - çĕнĕ кĕнекепе

    Йăлана кĕнĕ йĕркепе, Урнарти вулавăш, «Çĕнĕ çула – çĕнĕ кĕнекепе» ятпа кĕнекесен куравне йĕркеленĕ. Кунта вулакансене кăсăклă та илемлĕ кĕнекесем кĕтеççĕ: А.Павловская «Караслă пыл», Г.Еливанова «Управлăх утравĕ», Г.Матвеев «Урнарсем», У.Эльмен «Упраймарăм сана», Л.Петрова «И грусть и радость и мечты», Л.Селиванова «Я тоже имею право на счастье», Т.Дорофеева-Миро «Родничок, ручей, овраг…», çамрăксем валли тĕрлĕ фантастикăлла романсем уяври вăрăм кану кунĕсене усăллă ирттерме пулăшасса шанас килет. Кĕнеке куравне вулавăш çумĕнчи « Шанчăк» клуба çÿрекенсем пахаларĕç, кашни кĕнекипе паллашрĕç.  Уйрăмах Т.Дорофеевăн  Вăрмар районĕнчи çырма – сăлсем  çинчен çырса кăтартнă тата Г.Матвеевăн «Урнарсем» кĕнекисемпе  тĕплĕн паллашрĕç, пысăк хак пачĕç.

            Хисеплĕ Вулаканăм! Сире пурне те çитсе килекен Çĕнĕ çулпа саламлатпăр, ăнăçу, телей тата çирĕп сывлăх сунатпăр. Январĕн 4,6,8 – мĕш числисенче 11.00 сехетрен  15.30 сехетчен вулавăшра кĕтетпĕр.