4.08.2019 г. Кубок ҫирĕп алăра

  Ял ачисен ҫуллахи канăвне йĕркелес,  сывă пурнăҫ йĕркине  анлă сарас тĕллевпе Пысăк Енккасси культура ҫурчĕ  тăтăшах тĕрлĕ  ăмăртусем  ирттерет. Ҫурла уйăхĕн 3-мĕшĕнче ялти стадионра футбол вăййине юратакансен ăмăртăвĕ пулса иртрĕ. Хĕру тупăшура пур команда та пĕрешкел очко пухрĕ . Апла пулин те пĕр-пĕрин хушшинчи кăтартупа, мечĕксен шайлашăвĕпе 1-мĕш вырăна тата Культура ҫурчĕн  куҫса ҫӱрекен  кубокне Академи урамĕн команди ҫĕнсе илчĕ. Иккĕмĕшпе виҫҫĕмĕш вырăнсенче Карл Маркс, Николаев урамĕсен командисем. Уйрăмах Миша Алексеев(Академи), Алеша Алексеев, Саша Трофимов(Николаев), Миша Тимофеев, Игорь Григорьев, Сева Андреев, Арсений Григорьев(К.Маркс) ҫамрăк футболистсене палăртмалла. Пурне те Культура ҫурчĕ  хăйĕн парнисемпе тивĕҫтерчĕ.