06.06.2019 г. "Пирĕн Нина-театр ҫăлтăрĕ"

Ҫĕртме уйăхĕн 6-мĕшĕнче Пысăк Енккасси Культура ҫурчĕ ҫумĕнчи музейре кунта  ҫуралса ӱснĕ мухтавлă ентешĕмĕрĕн, РСФСР халах артисткин, республикари театрсен хушшинче ҫулсерен иртекен «Чĕнтĕрлĕ чаршав» конкурсăн     темиҫе хут лауреачĕн Нина Яковлеван    ҫуралнă кунне халалласа «Пирĕн Нина» курав уҫăлнă. 58 ҫул ытла Н.М.Яковлева  Ĕҫлĕх Хĕрлĕ Ялав орденлĕ К.В.Иванов ячĕпе хисепленекен Чăваш академи драма театрĕн сцени ҫинче  тĕрлĕ  рольсемпе халăха савăнтарать. Нина Михайловна театр йышĕпе  ҫитмен ял-хула хăварман. Вăл пур тĕрлĕ жанрлă рольсене  сăнарлама ăста. Унăн пысăк талантне Тăван ҫĕршыв, Чăваш Республика пуҫлăхĕсем тивĕҫлипе хакласа «Туслăх», «Чăваш Република умĕнчи тава тивĕҫлĕ ҫитĕнĕвĕсемшĕн» орденсем парса чысланă. Тăван ялти музейра  артисткăн тата театр ушкăнĕн тĕрлĕ ҫулсенче ӱкернĕ , тĕрлĕ рольсенче сăнарланă   сăнӱкерчĕкĕсемпе паллашма пулать. Кĕске хушăрах кунти экспонатсемпе вуншар ҫын паллашма пултарчĕ.