31.03.2019 г. Ял-йыша савăнтарчĕҫ.

  Пуш уйăхĕн 31-мĕшĕнче Пысăк Енккасси ялĕнчи культура ҫуртĕнче ҫĕршыври Театр ҫулталăкне тата  тата Пĕтĕм тĕнчери  театр кунне халалласа уяв каҫĕ иртрĕ.Уявра ялти культура ҫурчĕн драма ушкăнĕ  хăйĕн тĕрлĕ ҫулсенче вылянă пьесăсен пайĕсемпе, шӱт-камитсемпе  савăнтарчĕ. Алевтина Яковлева, Мария Васильева, Аврора Григорьева, Олег Николаев, Александр Михайлов, Никита Никифоров  ялти драма кружокне чылайранпа чунри пысăк хавхаланупа  юратса ҫӱреҫҫĕ.  Ку хутĕнче те вĕсем хăйсен ролĕсене  пысăк ăсталăхпа выляса куракана тĕлĕнтерчĕҫ. Театра чунтан парăннă куракан  вырăнти артистсене алă ҫупса хавхалантарчĕ, пурин питĕнче те йăл-кулă палăрчĕ. Уяв каҫне пухăннисем ҫавăн пекех культура ҫурчĕн тавра-пĕлӱ кĕтесĕнче  Театр ҫулталăкне халалласа йĕркеленĕ  курава пăхса киленчĕҫ. Кунта чăваш артисчĕсен сăнӱкерчĕкĕсемпе, мухтавлă ентешĕмĕр, республикăри театр ĕҫченĕсен«Чĕнтĕрлĕ чаршав» конкурсăн нумай хут ҫĕнтерӱҫи Раҫҫей Федерацийĕн,Чăваш  халăх артистки Нина  Яковлева парнеленĕ экспоначĕсемпе, тĕрлĕ ҫулсенче   вылянă , калăпланă рольсенчи сăнӱкерчĕксемпе паллашрĕҫ.