22.02. 2019 г. Юрă вăй-хал, чун-хавал кӱрет.

   Нарăс уйăхĕн 22-мĕшĕнче Пысăк Енккасси  ялĕнчи Культура ҫуртĕнче Тăван ҫĕршыв хӱтĕлевҫисен  кунĕ  ячĕпе  саламласа  савăнăҫлă  уяв каҫĕ  иртрĕ.  Юрăпа ташша  чунтан парăннă  ҫынсене   саламлама  Вăрмар поселокĕнчен Геннадий Васильев  ертсе пыракан  эстрада ҫăлтăрĕсен  ушкăнĕ  килсе ҫитрĕ. Ҫепĕҫ, илемлĕ   пысăк туйăмпа янратакан, халăхра  тахҫанах  ырă ят  ҫĕнсе  илнĕ  Алена Федорова, Эльвира Захарова  тĕрлĕ жанрпа юрланă  чăваш,  вырăс эстрада юррисене пысăкенккассисем  ăшшăн кăмăлласа  йышăнчĕҫ. Олеся Андриянова  хăйĕн   иллюзипе  цирк номерĕсемпе тĕлĕнтерчĕ. Концерта Чăваш музыка  пĕрлешĕвĕн тава тивĕҫлĕ ĕҫченĕ  Иван Филипов сасă операторĕ йĕркелесе пычĕ. Палăртса хăвармалла: Геннадий Михайлович чылай ҫул ĕнтĕ  ҫамрăк юрăҫсене пултарулăх ҫулĕ ҫине кăларас проектпа та ĕҫлет. Чăваш Енĕн тĕрлĕ район ҫамрăкĕсем хăйсен пултарулăхне кунта туптаса эстрадăн пысăк сцени ҫине тухса    чаплă юрăҫсем пулса пысăк ӱсĕмсем тăваҫҫĕ. Уяв каҫне килнисем  юрăҫсене  ырă кану  каҫĕ  йĕркеленĕшĕн  пултарулăх сукмакĕпе,  ăнăҫу   ҫулĕпе малашне те пысăк  ҫитĕнӱсем  тума  ырлăх-сывлăх  сунса   уйрăлчĕҫ