Поздравление главы Полевосундырского сельского поселения Г.Е.Ефремова с наступающим Новым годом и Рождеством Христовым!

Хисеплĕ ентешĕмĕрсем!

Сире çывхарса килекен Çĕнĕ çул тата Сурхури уявĕ ячĕпе чунтан саламланине йышăнсамăр! Çĕнĕ çул çывхарса килнĕ май, йăлана кĕнĕ тăрăх, иртсе каякан çула пĕтĕмлететпĕр, çитĕнÿсене тата ăнăçусене аса илетпĕр. Ачаранпах эпир ăна асамлăха ĕненнипе, шухăшланă ĕмĕтсем чăннипе те пурнăçа кĕрессипе çыхăнтаратпăр.

Çĕнĕ çултан пирĕнтен кашнин пурнăçĕнче çĕнĕ, таса страницă уçăлать. Вăл мĕнле пуласси, мĕнле пулăмсемпе тата ĕç-хĕлпе пуянланасси пирĕнтен килет. Пирĕн пĕрлехи вăйпа 2018 çулта ял тăрăхĕнчи ялсем татах та тасарах, хитререх пуласса эпир шанса тăратпăр.

Сирĕн çуртăрсенче хăтлăх, чунра лăпкăлăх хуçалантăр, уяв кăмăлĕ вара çулталăк тăршшĕпех ан çухалтăр.

Çĕнĕ çул ячĕпе сире! Телейлĕ пулăр!

Ял тăрăхĕн пуçлăхĕ Г.Е.Ефремов