Экскурсире -музейра

       «Аваллăхсăр малашлăх çук» тенĕ ĕлĕкрен ваттисем. Çак ваттисен сăмахне тĕпе хурса Патăрьел районĕнчи  Анат Тăрмăш культура çурчĕн заведующийĕ Надежда Квасова чÿк уйăхĕн 12-мĕшĕнче ачасене вырăнти музея экскурсине илсе килчĕ. Культура çуртĕнчи музейра çĕре яхăн экспонат упранать. Ĕç хатĕрĕсем, тум-тир, мухтав хучĕсем, укçа-тенкĕ, савăт-сапа, тĕрлĕ документ, ял тата колхоз историйĕ, вырăнти юрăсен пуххисем тата ытти те упранаççĕ музейра. Хăш-пĕр экспонатсемпе Надежда Валерьевна тĕплĕнрех паллаштарчĕ. Уйрăмах «Катюша» (вăрçă вăхăтĕнчи машина) çинчен каланине тимлĕн итлерĕç ачасем. Шăл кăлармалли интсрумента курсан çăвар карсах пăрахрĕç шăпăрлансем. Музейран тухсан та чылайччен шавларĕç ачасем курни-илтнине сÿтсе явса.