«Тĕнче пĕлет Айхине – пирĕн чаплă ентеше» курав

                                                                                                                                       «Çăлтăр эс – çăлтăрсемпе:

                                                                                                                                       Кайăк пул – кайăксемпе,

                                                                                                                                       Кашкăр çеç нихçан та пулмăн

                                                                                                                                       Эс хирти кашкăрсемпе…»

       Çак йĕркесене тĕнче шайĕнче паллă сăвăç, чаплă куçаруçă Г.Н.Айхи çырнă. Г.Айхи пиртен уйрăлса кайнăранпа нарăсăн 21-мĕшĕнче 12 çул çитрĕ, апла пулин те унăн сăввисене юратса вулаççĕ. Çак паллă кун тĕлне Çĕньял ял библиотекинче «Тĕнче пĕлет Айхине – пирĕн чаплă ентеше» куравĕ йĕркеленĕ. Куравра Г.Айхи çырнă сăвăсен кĕнекисем, тĕрлĕ вăхăтра ÿкернĕ сăн ÿкерчĕксем тĕп вырăн йышăнаççĕ. Çавăн пекех поэтăмăр çинчен тĕрлĕ вăхăтра çырнă статьясене тупса вулама пулать. «Сан ентешсем, Çĕньялăм» кĕнеке çÿлĕкĕ те вулакан кăмăлне каясса шанатпăр. Ку çÿлĕк çинче Çĕньялта çуралса ÿснĕ çамрăк çыравçăсен сăввисемпе паллашма пулать. Кĕнекесен куравне Çĕньялти пĕтĕмĕшле пĕлÿ паракан шкулта вĕренекенсем кĕрсе курчĕç. Г.Айхи ĕçĕ-хĕлĕпе кăткăсланакансене нарăс уйăхĕн вĕçĕччен курава пырса курма йыхравлатпăр.