Хĕле ăсатни

                                                                                             Шăнкăр-шăнкăр йĕс шăнкрав,

                                                                                             Шăнкрав сасси çул çинче.

                                                                                             Çак çăварни çитсессĕн

                                                                                             Сар хĕр сасси ял çинче!

     Нарăс уйăхĕн 17- мĕшĕнче Патăрьел районĕнчи Çăл Атăк тата Анат Тăрмăш ялĕсем çийĕн йĕс шăнкрав сасси тата Çăварни юрри янăрарĕ. Ялти культура çурчĕ умне Çăварни тутăрĕ çыхнă хĕрсемпе хĕрарăмсем, ура хуçса ташлама хатĕр каччăсемпе арçынсем пуçтарăнчĕç. Хĕл Мучие ăсатса Çуркуннене кĕтсе илчĕ халăх. Уяв концертне курса киленчĕç. Уяв хĕрсе пынă майăн массăлла вăйăсем пуçланчĕç. Арçынсемпе хĕрарăмсем вĕрен туртса тупăшрĕç, калуша ывăтассипе ăмăртрĕç, мишукпа мулкач пекех сикрĕç. Конкурссем вĕçленсен пурте ташша ячĕç. Уява хутшăнакансен пичĕсенче йăл кулă çиçрĕ, çавна пулах çанталăк та ăшăтнă пек туйăнчĕ. Уяв вĕçĕнче курма килнисене çуркуннепе хĕвел символĕпе, çаврака çÿхе икерчĕпе хăналарĕç йĕркелÿçĕсем.