Шоу-конкурс "Мини-Мисс Весна - 2017"

     Çу уйăхĕн 1-мĕшĕнче Патăрьел районĕнчи Анат Тăрмăш культура çуртĕнче «Мини-Мисс Весна - 2017» шоу-конкурс пулса иртрĕ. Сцена çине пĕрремĕш çурхи чечек пек илемлĕ те черчен пĕчĕк хĕрсем тухрĕç. Конкурс валли çичĕ тĕрлĕ ĕç хатĕрленĕ чиперуксем: «Халăх умне тухни», «Паллаштарни», «Ыйту-хурав», «Бал кĕпи», «Пуçа тăхăнмалли хатĕр», «Пултарулăх конкурсĕ», «Ташă». Сцена çинче хĕрсем хăйсене чăн-чăн модельер пекех тытрĕç. Илемлĕ утса, хитре тум тăхăнса, юрласа-ташласа савăнтарчĕç пĕчĕк хĕрупраçсем курма килнĕ халăха. Конкурссем хушшинче «Шевле» ташă ушкăнĕ илемлĕ ташăсем парнелерĕ.

   «Мисс Очарование» - Анастасия Карлинова, «Мисс Улыбка» - Галина Мерзлова, Мисс Симпатия – Анжела Прохорова, «Мисс Нежность» - Кристина Нестерова, «Мини-Мисс Весна - 2017» - Валерия Ширтанова – çакăн пек номинацисене тивĕçрĕç конкурса хутшăннисем. Малаллахи пурнăçра ăнăçу та телей сунса ăсатрĕ хĕрсене ертÿçĕ – Надежда Квасова.