2018.05.10 "Салтак арăмĕ" спектакль лартрĕç

Тăван çĕр-шывăн Аслă вăрçинче çĕнтернĕренпе 73 çул çитнине халалласа Нăрваш-Шăхалĕнчи культура çуртĕнче Николай Анкилов «Салтак арăмĕ» пьеси тăрăх спектакль лартрĕç. Пьесăри ĕçсем 1941-1945 çулсенче пулса иртеççĕ. Çĕнтерĕве çывхартас тесе тылри халăх – хĕрарăмсем, ватă-вĕтĕ – май пур таран фронта пулăшнă: тыр-пулла, пахча çимĕç ÿстернĕ, чăлха-нуски çыхса аякри вăрçă хирне ăсатнă. Колхоз председателĕ Григорий Алексеевич колхоза май пур таран сыхласа хăварма тăрăшать.

Куракансем вăрçă çулĕсенчи сăнлакан спектакле кăмăллăн йышăнни вĕсем тăвăллăн алă çупнинчен паллă пулчĕ.

Рольсенче вылякансем Прасковья – Татьяна Узалкова, Степанида – Зоя Лукьянова, Клава – Алина Фролова, Пелагея – Ирина Аксакова, Марийка – Светлана Григорьева, Полина – Наталия Груздева, Степанида ачисем – Дмитрий Фролов, Ангелина Лукьянова, Савели мучи – Григорий Шалтынов, Григорий Алексеевич – Елена Смирнова пулчĕç.