2018.01.04 Чăваш эстрада çăлтăрĕсен концерчĕ иртрĕ

Пирӗн чӑваш эстради вырӑс эстрадинчен нимпе те кая мар. Хӑйсен юрӑ шӑрантарӑвӗпе, тумӗсемпе эстрада ҫӑлтӑрӗсем ним мар куракансене тыткӑнлама пултараҫҫӗ. Чӑваш эстради ҫулсерен тӗрӗкленсе пырать. Чуна хумхантаркан хитре сасӑллӑ юрӑҫсем йышланни те хавхалантарать.

   2018-мĕш çулхи кăрлач уйăхĕн 3-мĕшĕнче Нăрваш-Шăхаль культура çуртĕнче чăваш эстрада çăлтăрĕсен концерчĕ иртрĕ. Андрей Думилин, Диана, Константин Рязанов хăйсен пултарулăхĕпе халăха савăнтарчĕç. Вырăсла тата чăвашла шăраннă юрăсем пурин кăмăлне те кайрĕç.

   Юрăçсене Нăрваш-Шăхаль ял тăрăхĕн хĕрарăмсен совечĕн председателĕ Вера Исакова çĕнĕ çулпа саламласа тав сăмахĕ каларĕ.