2013.12.03 Круглый стол

Раштав уйăхĕн 3-мĕшĕ – Пĕтĕм тĕнчери инвалидсен кунĕ. Ана ПНО Генеральнăй ассамблейи 1992-мĕш çулта çирĕплетнĕ. Уява йĕркеленин тĕллевĕ -çын прависене пăхăнассипе, сусăрсене общество пурнăçне явăçтарассипе çыхăннă. Паян эпир тĕрлĕ сăлтавпа сусăр çуралнисене е инкеке пула инвалидсен йышне лекме тÿр килнĕ çынсене чыслатпăр. Пĕрисем терт-нуша курмасăр ирттереççĕ кун-çулне, теприсем инкек çине синкек тÿсме тивет. Çав вăхатрах пирĕн хушăмарта хĕвел çутине курайман, çутçанталăкăн илемлĕ сассисемпе киленеймен, халтан кайиччен чупайман-выляйманнисем те пур-çке. Сусăрсене патшалăх май килнĕ таран пулăшни, инвалидсен кунĕ умĕн тĕрлĕ енлĕн хавхалантарма тăрăшни аван паллах. Вĕсемпе пирĕн те тимлĕрех, ырă кăмăллăрах пуласчĕ. Анланма, май килнĕ таран пулăшма тăрашасчĕ. Ырă сăмах чуна ăшăтнине манас марччĕ. Кун-çул йывăррине пăхмасăр çирĕп вăй-хал, чăтăмлăх, çине тăраслăх сунатпăр сире.

Пурнăçăн илемĕ, хаваслăхĕ, ырлăхĕ сирĕншĕн пултăр. сире пулăшакан юлташсен, тăвансен хастарлăхĕ ан чактăр, вĕсем яланах юнашар пулччăр. Нăрваш Шăхаль ял тăрăхĕнчи культура çуртĕнче, çавра сĕтел хушшинчи тĕлпулу-калаçу иртрĕ. Тĕл пулăва ял поселенийĕн пуçлăхĕ - Николай Михайлович Айкин, районти Пенси фончĕн ертÿçи - Галина Петровна Синеева, «Труд» кооператив ертÿçи тата районти депутатсен собранийĕн депутачĕ Николай Петрович Михайлов хутшăнчĕç. Сăмах тухса каларĕç. Сирĕп сывлăх, вăрăм кун çул пиллерĕç. Пухăннисен ыйтăвĕсем çине тĕплĕн хуравларĕç. Культура ĕçченĕсем хаваслă юрă-кĕвĕпе саламларĕс. Юлашкинчен пĕрле техĕмлĕ курăк чейĕпе сайланчĕç.