2017.03.23 "Чăваш тумĕ- халăх пуянлăхĕ"

Асаннесен юррисем

 Кеввипеле савăк- çке

 Мерчен евĕр сăмахсем

 Шухăшĕпе тарăн-çке.

 Ыр йăласем пурине

 Асра тытса пурнар-и?

 Атте -анне юррине

 Чунтан савса юрлар-и!

 Нăрваш Шăхалĕнчи культура çуртенче мартăн 23 мешенче Чăваш наци конгресĕ регионсем хушшинче ирттерекен "Чăваш тумĕ - халăх пуянлăхĕ" конкурс пулса иртрĕ.

 Конкурса Патарьел районенчи ял тăрăхĕсенчен чаваш тумĕ тăхăннă яшсемпе-хĕрсем килсе çитрĕç.

 Культура çуртенче халăхра сыхланса юлнă чăваш тумĕсенчен выставка йĕркеленĕ. Кунта хушпу, тухья, шỹлкеме, сурпан, урай саррисем, мăй çыххи, улачаран тĕртнĕ кĕпесем тата ытти тупрана илсе килсе илемлĕн вырнаçтарнă.

 Вайă юрри янăраса кайрĕ. Сцена çине ĕлĕкхи чăваш тумне тăхăннă хĕрсемпе каччăсем утса тухрĕç.

 Уява районти централизациленĕ клуб системи ертỹçи Алевтина Овчинникова уçрĕ, курма килнисене тав сăмахĕ каларĕ.

 Уява хутшăнакансем куракансене хăйсен тăхăннă тумĕсем çинчен каласа пачĕç, чавашсен ĕлĕкхи çи-пуçĕпе паллаштарчĕç. Кашни ял тăрăхĕнчен килнĕ юрăçсем куракансене илемлĕ чаваш юррисемпе савăнтарчĕç.