11 апреля 2008 г.
Çĕнĕ Пуянкасси ял тăрăхĕн администрацийĕ пулăшнипе ялти вăтам шкулăн спорт залĕнче хĕрсемпе хĕрарăмсем хушшинче волейбол ăмăртăвĕсем йĕркеленĕ. Унта вăтам шкулта ĕçлекенсем, вĕренекенсем тата ялти çамрăксем хутшăнчĕç. Шкулта ĕçлекенсен команди ыттисенчен çăмăллăнах выляса илчĕ. Ялта ĕçлекен тата хуласенче вĕренекен çамрăксем 2-мĕш вырăн йышăнчĕç. Тĕрлĕ номинацисенче ăста вылякансен шутне О.Макарова, Э.Кириллова, В.Гордеева, Г.Дедова, А.Степанова, Н.Сучкова, О.Кириллова волейболисткăсене кĕртнĕ. Çĕнтерÿçĕ командăна куçса çÿрекен кубокпа грамота, торт парса чысланă, 2-3 вырăнсем йышăннисене те тортпа грамота, номинацисенче палăртнисене грамотăсем парса хавхалантарнă.
Источник: "Ял ĕçченĕ"