Публикации » ПЕТРОВСЕМ - ИККĔМĔШ

19 декабря 2007 г.

Декабрĕн 8-мĕшĕнче районта вĕрентỹ ĕçченĕсен профсоюз райкомĕ йĕркеленипе "Ача çулталăкне" халалласа çемье ансамблĕсен пултарулăх конкурсĕ иртнĕччĕ. Унта Нĕркеç вăтам шкулĕн ушкăнĕ мала тухнăччĕ. Петровсем нумаях пулмасть район чысне республикăра хỹтĕленĕ. Çĕнĕ Кипеç ялĕнче пурăнакан Надежда Александровнăпа Сергей тата Алексей ывăлĕсем кунта та палăрнă. Конкурсра вĕсем иккĕмĕш вырăн йышăнма пултарнă. Çĕнтерỹçĕсене Хисеп хучĕсем тата микрохумлă кăмака парнеленĕ. Сăмах май каласан, Петровсем юрă-ташăпа тахçанах туслă. Районта, республикăра иртекен конкурссене тăтăшах хутшăнаççĕ, малти вырăнсене те чылай йышăннă. Малашне те ăнăçу сунатпăр.

Источник: "Каçал Ен"