20 февраля 2007 г.
“Çĕнĕ шкул” программăпа килĕшÿллĕн, Чутейри пĕтĕмĕшле вăтам пĕлÿ паракан шкулта тĕрлĕ ĕçсем тунă. Класс сехечĕсем иртнĕ, “Тăван шкулăн 10 çулхи çитĕнĕвĕсем” ятлă стена хаçачĕ кăлар-нă, сăн ÿкерчĕксен выставкине йĕркеленĕ. Педагогсен коллек-тивĕ Чăваш Президенчĕн Н.Федоровăн “Образование: основа для решения социально-экономических проблем” кĕнекине сÿтсе явнă.
Шкулти ашшĕ-амăшĕсен пухăвĕнче те хускатнă ку темăна "сăмах май каласан, маларах çакăн пек пуху Амалăх шкулĕнче те ирттернĕччĕ".
Пухăва шкул директорĕ Н.Большов уçрĕ. Чăваш республи-кинче, районта тата шкулта 10 çул хушшинче тунă çĕнĕлĕхсем пирки тĕплĕ чарăнса тăчĕ вăл.
Директорăн вĕрентÿ енĕпе ĕçлекен çумĕ Г.Филиппова иккĕмĕш чĕрĕке пĕтĕмлетрĕ.
Шкулăн социаллă педагогĕ Е.Николаева “Йывăр ачасем мĕншĕн пулаççĕ?“ ятлă доклад турĕ, ашшĕ-амăшĕсене анкета çыртарчĕ, вĕренекенсен шухăшĕсемпе паллаштарчĕ.
Источник: "Ял ĕçченĕ"