01 февраля 2007 г.

Александр Капитонов ячĕ Комсомольски районĕнче кăна мар, Чăваш Республикинче те паллă.  Юлашки çулсенче вăл тăрăшнипе  тăван районĕнче, çав шутрах ялĕнче те, пысăк тухăçлă çĕр улми туса илеççĕ  Икĕ çул каялла Александр Петрович хăй вĕреннĕ  Тимĕрчкассинчи вăтам шкула пысăк  парне – кĕрешекенсем валли ятарлă кавир илсе панă. Ялти çамрăксем кунта уроксем хыççăн тренировка ирттереççĕ.

Иртнĕ канмалли кун Тимĕрчкассине тĕрлĕ районтан 150 ытла çамрăк спортсмен пухăннă, Александр Капитонов парнисене çĕнсе илессишĕн кавир çинче вăй виçнĕ.  Кĕрешĕве çамрăк ачасемпе пĕрлех вун-вун хĕрача та хутшăннă.

Çав кунах шкул стадионĕнче футболла выляса ăмăрту ирттернĕ. 

Комсомольски район администраци  пуçлăхĕ Геннадий Волков Александр Капитонова çуралнă кун ячĕпе саламласа парне панă.  

Источник: "Хыпар"