Публикации » ÇУРХИ шыв-шур вăхăтĕнче инкек-синкек пуласран питех те асăрхануллă пулмалла

30 марта 2023 г.

ÇУРХИ шыв-шур вăхăтĕнче инкек-синкек пуласран питех те асăрхануллă пулмалла. Уйрăмах хăш-пĕр ачасен чарусăрлăхĕ пăшăрхантарать. Вĕсем пăр çине кĕрсе е шыва ура ярса пусса анса кайма та пултараççĕ. Кун пек тĕслĕхсем республикăра, çавăн пекех хамăрăн муниципалитет округĕнче те пулнă. Шел, хăш-пĕр тĕслĕх вилĕмпе вĕçленнĕ.

Шыв-шур вăхăтĕнче ачасене çырма е пĕве хĕррине пыма чармалла, ашшĕпе амăшĕн, çитĕннĕ ытти çынсен вĕсене контрольлесе тăмалла. Çуркунне шыв урлă каçса çỹреме пачах та юрамасть. Çỹхе пăр çине кĕрсен анса кайма та пулать.

Ачасем çырма хĕрринче тĕрлĕ вăйă выляни те инкек-синкекпе вĕçленес хăрушлăха ỹстерет. Çавăнпа та вĕсене кун пирки асăрхаттарсах тăмалла. Çуркунне пурне те савăнăç çеç парнелетĕрччĕ тесе тăрăшар.