21 октября 2022 г.
Ҫак кунсенче пирěн районта Карели Республикинчен хăнасем килсе кайнă. Муниципаллă пěрлешӳсен пуҫлăхěсенчен йěркеленě делегацие асăннă республикăн наци тата регион политикин министрěн ҫумě Григорий Фадеев ертсе пынă. Ҫул ҫӳреве тухнă пуҫлăхсем районăн паха опычěпе паллашнă, вырăнти ěҫтешсен мал ěмěтлě проекчěсене ăша хывнă, хăйсен патěнче ěҫе кěртессине сӳтсе явнă.
Хăнасене Чăваш Республикин Пуҫлăхěн администрацийěн ертӳҫин пěрремěш ҫумě- шалти политика управленийěн пуҫлăхě Владимир Степанов, «Чăваш Республикинчи муниципаллă пěрлешӳсен канашě» ассоциацийěн ěҫ тăвакан директорě Александр Кузнецов тата район администрацийěн пуҫлăхě Сергей Михайлов кěтсе илнě.
Ĕҫлě делегаци чи мальтан Шелттемри «Мелилотус» кооператива ҫитсе курнă, унта вěсем пыл, тěрлě шыв, квас тата чей тултаракан линисемпе паллашнă.
Сухайкасси ял тăрăхěнче вырăнти хăй тытăмлăх ěҫне пысăка хурса хакланă.
Первоисточник: Канаш ен.