Новошимкусское сельское поселение Яльчикского районаОФИЦИАЛЬНЫЙ САЙТ
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » ХĔРЛĔ ГАЛСТУК ХАЛĔ ТЕ АСРА

27 мая 2022 г.

ХĔРЛĔ ГАЛСТУК ХАЛĔ ТЕ АСРА

Çу уйăхĕн 19-мĕшĕнче пионер организацине никĕсленĕренпе 100 çул çитнине халалласа Çĕнĕ Пăвари пĕтĕмĕшле пĕлỹ паракан вăтам шкулта ирхи линейка иртнĕ.

Шкулти педагогсенчен ытларахăшĕ — Совет саманинче çитĕннĕ ача-пăча, хăй вăхăтĕнче пионер ретне тăнине сăнарласа сценка кăтартнă. Паянхи ачасемпе çамрăксемшĕн çакă нимех те мар пек туйăнать. Апла пулин те Çĕнĕ Пăвари шкулта вĕренекенсемшĕн вăл чăн-чăн уяв пекех пулса тăнă. Мĕншĕн тесен вĕрентекенсем Пионери кунне уявланине пит ĕненмелле кăтартса панă: тупа туни, мăя хĕрлĕ галстук çыхни, «…клич пионеров: «Всегда будь готов!» тесе янратни…

Директорăн воспитани енĕпе ĕçлекен çумĕ Светлана Архипова пионер организацийĕ пуçланса кайнин историйĕпе, унăн атрибутикипе, йăли-йĕркипе паллаштарнă. Класс ертỹçисем вара хăйсен пионер ретĕнче тăнă вăхăтри ачалăхĕ пирки ăшшăн аса илсе каласа кăтартнисем, «Мăя хĕрлĕ галстук çыхрăн пулсан — упра ăна! Вăл пирĕн ялавпа пĕр тĕслĕ-çке», — текен йĕркесене аса илни вĕренекенсемшĕн кăсăклă пулнă.

Пионер мĕн пур енĕпе тĕслĕх пулма тивĕçлĕ: вĕсем хут-хăмăр, тимĕр-тăмăр, сиплĕ курăк пухнă. Тимур командисем йĕркелесе ваттисене пулăшнă, йывăç-тĕм лартнă…

Диана Турхан директор хальхи вăхăтра шкулта пионери юхăмне малалла тăсакан отрядсен — волонтерсемпе çамрăк армеецсен ĕçĕ-хĕлĕ пирки чарăнса тăнă. Вăл ачасене тата лайăхрах вĕренме, общество ĕçĕнче ăнăçусем суннă.

 

Мой МирВКонтактеОдноклассники
Система управления контентом
TopList Сводная статистика портала Яндекс.Метрика