25 февраля 2022 г.
Ильнара Хафизова Тутар Сăкăтĕнчи вăтам шкулта "4" тата "5" паллăсемпе вĕренет. Çавăн пекех хăйĕн ĕç кунне тĕрĕс тытса пыма пĕлет. Маларах палăртнисене пурне те пурнăçа кĕртме тăрăшать. Уроксенче тимлĕ итлесе ларать. Шкула сиктерсе çỹресси çук унра. Киле панă ĕçсене пурнăçласа килет.
Ырă кăмăллăскер ачасем хушшинче авторитетлă. Спорта та килĕштерет Ильнара. Кĕçĕнрех чухне ирĕклĕ мелпе кĕрешекенсен секцине çỹретчĕ. 2018 çултан вара армрестлинга куçрĕ. Ку енĕпе район, республика шайĕнчи çитĕнĕвĕсем пур. Регионти тупăшура иккĕмĕш вырăн йышăнса республикăри физкультурăпа спорт министерствин Хисеп хутне тивĕçрĕ. Икĕ хутчен чемпионка пулма ĕлкĕрчĕ. Ф.Ахметов физкультура учителĕ вĕренекенре малашлăх курать. Ильнара та хăйĕн пурнăçне спортпа çыхăнтарасшăн.
А. ИВАНОВА
Источник: "Авангард" (газета Батыревского района)