17 августа 2018 г.
Чăваш Сурăмĕнчи культура çурчĕ çумĕнчи ветерансен хастарлăхĕ сцена çинче кăна палăрмасть-ха, вĕсем хăйсен канăвне те усăллă йĕркелеме майсем тупаççĕ. Иртнĕ кунсенче вĕсем Шупашкара экскурсие çитсе килчĕç: Чăваш наци музейĕнче пулса курчĕç, аслă Атăл çинче теплоходпа пĕр сехет ярăнса савăнчĕç, тĕп хулан илемĕпе киленчĕç, аттракционсене хутшăнчĕç, асăнмалăх коллективпа сăн ÿкерĕнчĕç. Экскурси пурне те килĕшрĕ. Çитес вăхăтра ветерансем тепĕр çулçÿреве тухма тĕв турĕç - Шереметьев керменне çитсе курасшăн.
Петр ЕФИМОВ.
Источник: "Пурнăç çулĕпе" Аликовская районная газета