20 марта 2018 г.
Чăваш Республикин 2018 çулхи çул-йĕр фондне 5042 миллион тенкĕ укçа хывма палăртнă. 3609 миллион тенкине республика бюджетĕнчен уйăраççĕ. Раççей бюджетĕнчен килекен 2 миллиард тенкĕ укçа федераци йышĕнчи проектсене пурнăçа кĕртме кайĕ. Кăçал республикăра 360 çухрăм çул юсама, 80 çухрăм çĕнĕрен çул тума палăртнă. Вырăнти автомобиль çулĕ-сене юсама тата тытса тăма 1967 миллион тенкĕ укçа хывнă. Уйрăмах авариллĕ участоксене юсассине шута илĕç. Республика Пуçлăхĕ М.Игнатьев çулсем юсанă чухне çуртсем çывăхĕнчи территорисене те йĕркелĕх кĕртессине тимлĕх уйăрма хушнă. Паллах, уйăрса панă укçапа пĕлсе усă курни те кирлĕ. Çавăнпа та аукционсемпе конкурссем ирттернĕ чух подрядчиксен шанчăклăхне шута илмелле. Ара, çулсен пахалăхĕ вĕсен ĕçĕнчен нумай килет-çке.
Источник: "Наше слово" ( Мариинско-Посадская районная газета)
Источник: "Наше слово" ( Мариинско-Посадская районная газета)