03 ноября 2017 г.
Çак кунсенче Тукай Мишер вăтам шкулĕнче пиллĕкмĕш классен ячĕпе уяв иртрĕ.
Пиллĕкмĕш класа çỹрекенсем конкурссене хутшăнчĕç. Вĕсем тĕрлĕ станцисене çитсе хăйсен пултарулăхне кăтартрĕç тата тусĕсене епле пĕлнине каласа пачĕç. Вĕренекенсем сценка кăтартрĕç, "Профессие пĕл" вăййа хутшăнчĕç.
Вăтам шкулта пĕлỹ пухакан пиллĕкмĕшсем вĕренỹре, обществăлла ĕçре, конкурссенче те чăннипех те хастар иккен. Вĕсем пиллĕкмĕш класс вĕренекенĕ пулма тата лайăх вĕренме, яланах малтисен йышĕнче пулма шантарса тупа турĕç.
Г.ХАЙРТДИНОВА,
класс ертỹçи
Источник: "Каçал Ен"