17 октября 2017 г.
"Душа России" премие нумай çул тỹрĕ кăмăлпа ĕçлекен культура ĕçченĕсене параççĕ. Тивĕçлисене унпа 2002 çултанпа чыслаççĕ, 15 çулта вăл пин-пин çын чĕрине хавхалантарчĕ.
Конкурс кăçал "Народная музыка", "Народное пение", "Народный мастер", "Традиционная народная культура", "Народный танец" номинацисемпе иртнĕ. Кун çинчен Раççей Федерацийĕн Правительствин сайчĕ пĕлтерет. Кăçалхи лауреатсем хушшинче Комсомольски тăрăхĕн çынни те пурри уйрăмах мăнаçлантарать. Вăл - "Каçал" фольклор ансамблĕн ертỹçи Владимир Павлович Павлов.
РФ Правительствин Председателĕ Дмитрий Медведев октябрĕн 14-мĕшĕнче алă пуснă хушупа килĕшỹллĕн, Владимир Павлов "Традиционная народная культура" номинацире палăрса "Душа России" премие тивĕçнĕ. Тĕплĕнрех - çитес номерте.
А.ИСАЕВА
Источник: "Каçал Ен"