Публикации » Тушкил еннелле - çĕнетнĕ çул

25 июля 2017 г.

Организаципе контроль тата информаципе тивĕçтерекен пай начальникĕ В.Чайкин, район администрацийĕн пуçлăхĕн заместителĕ - строительство, çул-йĕр тата коммуналлă хуçалăхпа çурт-йĕр пайĕн ертỹçи Т.Дьяконова “Энĕш-Тушкил” маршрутри асфальлă çула мĕнле юсани пирки интересленнĕ. 2016 çул вĕçĕнче асăннă объектăн проект докуменчĕ-сене туса хатĕрленĕ. Кăçал май уйăхĕнче “Энĕш-Тушкил” маршрутлă автомобиль çулне юсама подрядчик тупса çирĕплетессипе электронлă аукцион ирттернĕ. Ăна пĕтĕмлетнĕ хыççăн “Дорстрой” тулли мар яваплăхлă общество ĕçсене пуçлама кăмăлланă. Çĕртме уйăхĕнче “Энĕш-Тушкил” маршрут çинче 11,5 миллион тенкĕлĕх ĕçсем тума муниципаллă контракт тунă. Ку объекта 2017 çулта 8,9 млн. тенкĕлĕх, 2018 çулта - 2,6 млн. тенкĕлĕх финанслама палăртнă. Хальхи вăхăтра Тушкил еннелле каякан асфальтлă çула юсаса çĕнетессипе ĕçсем малалла пыраççĕ. Юсав ĕçĕсене август уйăхĕ-нче вĕçлесшĕн.