09 июня 2017 г.
Çак кунсенче Мăн Вылăри пĕртăван Семеновсен ячĕллĕ пĕтĕмĕшле пĕлÿ паракан вăтам шкул çумĕнчи кану лагерьне çÿрекен 20 ача «Ядринмолоко» предприятие çитсе курчĕ. Вĕсене Пĕтĕм Раççейри «Единая Россия» политика партин Чăваш регион уйрăмĕн секретарĕ Николай Малов кĕтсе илчĕ, кану кунĕсем çитнĕ ятпа саламларĕ. Уяв программинче клоун, пират, ĕне костюмне тăхăннă пултаруллă çамрăксем ачасемпе тĕрлĕ вăйă ирттерчĕç, фокуссемпе тĕлĕнтерчĕç. Çак кун ачасем тÿлевсĕрех предприяти кăларакан пуян продукцие астивме пултарчĕç. Вĕсем батут тата вĕрсе хăпартнă катаччи çинче чун каниччен ярăнчĕç. Çул çине те хăнасене пуш алăпа ямарĕç, кашниех парнене тивĕçрĕ.
Источник: "Пурнăç çулĕпе" Аликовская районная газета