27 октября 2016 г.
Республикăра йăлана кĕнĕ йĕркепе кашни уйăхрах Сывлăхпа спорт кунĕ иртет. Юпа уйăхĕнче ăна иртнĕ шăматкун йĕркеленĕ. Кану кунĕнче Чăваш Енри спорт площадкисем республикăра пурăнакансене тÿлевсĕр йышăннă.
Сывлăхпа спорт кунне усырмасем те хастар хутшăннă. Ялти Культура çурчĕн заведующийĕ Ю. Николаева тата ял тăрăхĕн специалисчĕ Е. Гулимова каччăсем хушшинче футбол вăййи йĕркеленĕ. Хĕрÿ тупăшура туслăх çĕнтернĕ.
Спорт мероприятийĕсем сывă пурнăç йĕркине тытса пыма пулăшнипе пĕрлех яваплăха ÿстерме тата çамрăксене пĕр-пĕринпе хутшăнма та вĕрентеççĕ.