20 октября 2015 г.
20 октября 2015 г.
Район администрацийĕн ЗАГС пайĕ ял тăрăхĕсенчи январь-сентябрь уйăхĕсенчи демографи кăтартăвĕсене пĕтĕмлетнĕ. Кăçал 120 ача çурални палăрнă. Пĕлтĕрхи çав тапхăртипе танлаштарсан - 10 пепке сахалтарах.
Тавăт ял тăрăхĕнче ачасем уйрăмах нумай - 26. Иккĕмĕш вырăнта - Элĕк ял тăрăхĕ - 24 тĕпренчĕк кун çути курнă. Виççĕмĕш вырăнта Ехремкасси ял тăрăхĕ - 16-ăн çут тĕнчене килнĕ. Тени тăрăхĕнче - 1, Йăлкăшра, Ураскилтре 2-шер ача çуралнă.
Январь-сентябрь уйăхĕсенче 214 çын вилнĕ, иртнĕ çулхи çав тапхăртипе танлаштарсан - 26 çын сахалтарах. Элĕк ял тăрăхĕнче (31 çын), Ехремкасси ял тăрăхĕнче ( 25 çын), Тавăт, Чăваш Сурăм тата Шĕмшеш ял тăрăхĕсенче (20-шер çын) уйрăмах нумай çын пурнăçран уйрăлнă. Районĕпе илсен, çынсем вилни çуралнинчен 1,8 хут пысăкрах.
Источник: "Пурнăç çулĕпе" Аликовская районная газета