10 октября 2015 г.
Тата ҫичӗ ҫемье ҫурт лартӗ.
Юпа уйăхĕн тĕлне Уçырма ял тăрăхĕн администрацийĕн реестрĕнче çĕр лаптăкĕ илес кăмăллисем çиччĕн. Пурте вĕсем нумай ачаллă çемьесем: Людмилăпа Андрей Ивановсем, Татьянăпа Геннадий Семеновсем, Алинăпа Владимир Павловсем, Иринăпа Юрий Васильевсем, Иринăпа Николай Романовсем, Зойăпа Павел Петровсем, Татьянăпа Сергей Исаевсем.
Нумаях пулмасть район пуçлăхĕ И. Иванов тата Уçырма ял тăрăхĕн пуçлăхĕ В. Иванов «Чăваш Республикинче нумай ачаллă çемьесене çĕр лаптăкĕсем уйăрса парасси» Саккунпа килĕшÿллĕн çÿлерех асăннă çемьесене савăнăçлă лару-тăрура çурт лартма тÿлевсĕр çĕр лаптăкĕ уйăрнине пĕлтерекен документсем пачĕç.
Çурт лартмалли лаптăксене Кĕлтеçулĕ ялĕнче çĕнĕрен çĕкленекен микрорайонта, Çамрăксен урамĕнче, палăртнă.
2014-2015 çулсенче Уçырма ял тăрăхĕнче пĕтĕмпе нумай ачаллă 17 çемье çурт-йĕр çавăрма çĕр илнĕ.