Публикации » Район тулашĕнче çĕнтернĕ

Шкул ачисен тăрăшса вĕреннипе пĕрлех хăйсен тавра курăмне аталантарасси те пысăк вырăн йышăнать. Çаксене ытларах тĕрлĕ конкурса хутшăнса кăтартма пулать. Алманчăри вăтам шкулта вĕренекен Кристина Горбуновапа Наталья Лукиянована та çак рете тăратма пулать. Вĕсем шкулта, районта тата республикăра иртекен конкурссене хутшăнма тăрăшаççĕ, малти вырăнсене йышăнаççĕ. Пĕтĕм тĕнчери ачасен ÿнер ăсталăхĕн “Красота Божьего мира” 8-мĕш конкурсăн республика тапхăрĕнче Наталья “Манăн тăван çĕр-шывăн кĕтесĕ” ĕçĕпе иккĕмĕш вырăн йышăннă (ертÿçи А. Степанова). “Шанчăклă хÿтлĕхре” ĕçĕпе Кристина виççĕмĕш вырăна тивĕçнĕ (ертÿçи А. Горбунова). Çĕнтерÿçĕсене Канаш хулинче иртнĕ фестивальте чысланă.