28 марта 2015 г.
Районти ĕçпе тивĕçтерекен центр çуллахи кану вăхăтĕнче, уроксенчен пушă вăхăтра ачасене ĕçе явăçтарасси çине питĕ пысăк тимлĕх уйăрать. Çавна май тĕрлĕ организаци-предприятисемпе, ял тăрăхĕсемпе тачă çыхăнса ĕçлеççĕ специалистсем.
Акă, иртнĕ эрнере 14-18 çулхи çамрăксене ĕçе вырнаçтарас тĕллевпе Н.И.Васильев фермер хуçалăхĕнче вакансисен ярмарккине йĕркеленĕ. Унта Нĕркеç вăтам шкулĕнче 8, 9, 10-мĕш классенче пĕлỹ пухакансем хутшăннă. Мероприятие хутшăнакансенчен 20 ача вăхăтлăх ĕçе вырнаçнă, вĕсем фермер хуçалăхĕн территорине тирпейлĕç тата ытти ĕçсене пурнăçлĕç.
Источник: "Каçал Ен"