Публикации » Ятарлă код илме - Нумай функциллĕ центра

24 сентября 2014 г.

ЧР Информаци политикин министерстви районсенчи Нумай функциллĕ центрсен сотрудникĕсемпе видеоконференци мелĕпе семинар ирттерчĕ. Патшалăх пулăшăвĕсен Пĕрлехи порталĕнче регистрациленнĕ хыççăн пулăшусемпе электронлă майпа усă курма пуçлас тесен ятарлă код илмелле. Çакна Раççей Почти, "Ростелеком" УАО урлă е электронлă майпа алă пуснипе усă курса тума пулать. Малашне вара ятарлă кода Нумай функциллĕ центрсем урлă та илме пулĕ. Хальхи вăхăтра республикăра асăннă сервисăн тестированийĕ пырать. Çак ĕçе патшалăх пулăшăвĕсене электронлă майпа илессине çăмăллатма туса ирттереççĕ. ЧР Информаци политикин министерстви.

Источник: "Пирěн пурнăç"