21 июня 2014 г.
_Preview.jpg "Хисеп хăми çĕнĕ сăнсемпе пуянланнă")
Çултан-çул район Хисеп хăми çĕнелсе тăрать. Ун çинче учрежденисемпе организацисенчи, предприятисенчи пысăк квалификациллĕ, опытлă, пултаруллă ĕçченсене курма пулать. Çак хисепе тивĕçнисен йышĕнче тракторист та, пăру пăхакан та, воспитатель те, агроном та, доярка та, слесарьпе ытти професси çыннисем те пур. Вĕсем пурте производствăра, социаллă сферăра ырă тĕслĕх кăтартаççĕ. Иртнĕ çулхи ĕç кăтартăвĕсемпе хисепе тивĕçнисен шутĕнче: "Коминтерн" ЯХПК тракторисчĕ Александр Николаевич Сидоров тата пăру пăхаканĕ Мария Никифоровна Князева, "Нива" ЯХПК тракторисчĕ Владислав Валерьевич Алжейкин, Н.И.Лисаев хресченпе фермер хуçалăхĕн тракторисчĕ Георгий Геннадьевич Судаков, Серенкассинчи пуçламăш шкул-ача сачĕн "Пилеш" ушкăнĕн воспитателĕ Светлана Петровна Сякаева, "Бытовик" ТЯО çĕвĕçи Валентина Ильинична Бурина, "Янтарь" ТЯО-н директор тивĕçĕсене пурнăçлаканĕ Раиса Борисовна Еклакова, районти потребительсен обществин Яманкассинчи лавкка заведующийĕ Елена Ивановна Григорьевская, район больницин анастезиологипе реанимаци уйрăмĕн заведующийĕ тата врачĕ Вячеслав Михайлович Ейков, Хусанушкăнь ял тăрăхĕн пуçлăхĕ Любовь Геннадьевна Кузнецова, Ачасен искусство шкулĕнчи фортепиано уйрăмĕн преподавателĕ Людмила Ивановна Кирюшина, "Жилсервис" ТЯО дворникĕ Татьяна Ильинична Тарасова, Хĕрлĕ Чутайри газ участокĕн слесарĕ Юрий Алексеевич Андрианов, Штанашри ветеринари пункчĕн заведующийĕ Галина Павловна Софронова, 23-мĕш номерлĕ аптекăн директор çумĕ Алевтина Николаевна Сезяйкина. Ĕçчен те пултаруллă çынсен ячĕсем ыттисене те тăрăшарах ĕçлеме хавхалантарса пырĕç.
А.АЛЕКСЕЕВА.
Источник: "Пирěн пурнăç"